జగన్ ఆరోగ్యం మెరుగు: సోమవారం నుండి ఓదార్పు

నెల్లూరు: కడప పార్లమెంటు సభ్యుడు వైఎస్ జగన్మోహన్‌రెడ్డి ఆరోగ్యం మెరుగుపడింది. ఈ సాయంత్రానికి నొప్పి తగ్గే అవకాశముందని చెన్నైకి చెందిన డాక్టర్ మదన్‌మోహన్ రెడ్డి తెలిపారు. దీంతో ఆయన తన ఓదార్పు యాత్రను సోమవారం నుంచి కొనసాగించే అవకాశం ఉంది. దీనికి వైద్యులు సైతం సరేనన్నట్లు సమాచారం. అయితే కొన్ని జాగ్రత్తలు మాత్రం తీసుకోవాలని సూచించారు. నెల్లూరులో ఓ గెస్ట్‌హౌస్‌లో జగన్‌మోహన్‌రెడ్డి విశ్రాంతి తీసుకుంటున్నారు. తనకోసం వచ్చిన అభిమానుల్ని, కార్యకర్తల్ని జగన్ పలకరించి అభివాదం చేశారు.

ఈనెల 13వ తారీఖునుండి శ్రీ పొట్టి శ్రీరాములు నెల్లూరు జిల్లాలో ప్రారంభం అయిన విషయం తెలిసిందే. వారానికి పైగా నెల్లూరులో యాత్ర జరిగింది. అయితే రెండురోజుల క్రితం కండరాల నొప్పి రావడంతే శనివారం నుండి ఓదార్పు ఆగింది. వైద్యుల సలహా మేరకు ఆయన రెండురోజుల పాటు విశ్రాంతి తీసుకున్నారు.