కొండా సురేఖ, మూలింటి మారెప్పలకు ఎఐసిసి షాక్

న్యూఢిల్లీ: నవంబర్ 2వ తేదిన దేశ రాజధాని ఢిల్లీలో జరుగనున్న ఆల్ ఇండియా కాంగ్రెస్ కమిటీ(ఏఐసిసి) సమావేశానికి వరంగల్ జిల్లాకు చెందిన పరకాల ఎమ్మెల్యే, మాజీ మంత్రి కొండా సురేఖ, మరో మాజీ మంత్రి మూలింటి మారెప్పకు ఆహ్వానం రాలేదు. క్రమశిక్షణారాహిత్యం కింద పేర్లు ఉన్న వారికి పిలుపు రాలేదు. మిగిలిన వారందరికీ ఆహ్వానం వచ్చింది. ఇక సంస్థాగత ఎన్నికలు జరుగనందున ఆయా సభ్యులను ప్రత్యేక ఆహ్వానితులుగా పేర్కొంటూ సమావేశానికి ఆహ్వానించారు.

కొండా సురేఖ కడప పార్లమెంటు సభ్యుడు వైయస్ జగన్మోహన్ రెడ్డిని సమర్థిస్తూ ముఖ్యమంత్రి రోశయ్యపై, ప్రభుత్వం వివాదాస్పద వాఖ్యలు చేయటంతో పార్టీ అధిష్టానం ఆమెకు క్రమశిక్షణా చర్య కింద నోటీసులు పంపింది. అప్పటికే శిశు సంక్షేమ శాఖా మంత్రిగా ఉన్నసురేఖ నిత్యం విమర్శలు చేస్తుండటంతో రోశయ్య ప్రభుత్వం అమెను మంత్రి పదవి నుండి తొలగించారు. మారెప్ప సైతం పార్టీపైన విమర్శలు చేయటంతో అధిష్టానం ఆయనకు నోటీసులు పంపింది.