కృష్ణానదిలో చిక్కుకున్న నవదీప్: ఆగిపోయిన బోట్

గుంటూరు: ప్రముఖ సినీ నటుడు నవదీప్ కృష్ణా నదిలో చిక్కుకుపోయారు. గుంటూరు జిల్లాలోని పొదిలి వద్ద కృష్ణా నదిలో నవదీప్ ప్రయాణిస్తున్న బోట్ నిలిచిపోయింది. ఇంధనం అయిపోయినందున అది మధ్యలో ఆగిపోయినట్లు సమాచారం. నవదీప్ తో పాటు అతని స్నేహితులు నలుగురు పడవలో ఉన్నట్లు సమాచారం. నవదీప్ ను, ఆయన స్నేహితులను కాపాడేందుకు ప్రయత్నాలు జరుగుతున్నాయి.

తమ బోట్ పడవలో నిలిచిపోయిన సమాచారాన్ని నవదీప్ మత్స్యకారులకు అందించారు. మత్స్యకారులు విషయాన్ని మాచర్ల సర్కిల్ ఇన్ స్పెక్టర్ కు తెలిపారు. దీంతో స్పీడ్ బోట్ లో పోలీసులు నవదీప్ ఉన్న పడవ వైపు బయలుదేరారు. స్నేహితులతో కలిసి నవదీప్ షికారుకు వెళ్లారు. నాగార్జునసాగర్ కు శ్రీశైలం కు మధ్య బోట్ నిలిచిపోయింది.