సిఎం కాన్వాయ్ ని అడ్డుకోవడానికి ప్రయత్నించిన విద్యార్థులు, ఉద్రిక్తత

హైదరాబాద్: ముఖ్యమంత్రి కె. రోశయ్య నివాసం వద్ద సోమవారం ఉదయం తీవ్ర ఉద్రిక్తత నెలకొంది. హైదరాబాదులోని ముఖ్యమంత్రి నివాసం వద్ద విద్యార్థులు ఆందోళనకు దిగారు. రాష్ట్రావతరణ దినోత్సవాలను వ్యతిరేకిస్తూ విద్యార్థులు ముఖ్యమంత్రి కాన్వాయ్ ని అడ్డుకోవడానికి ప్రయత్నించారు. పోలీసులు విద్యార్థులను అరెస్టు చేసి గోషామహల్ స్టేడియానికి తరలించారు. విద్యార్థులు విడివిడిగా గుంపులుగా ముఖ్యమంత్రి కార్యాలయానికి చేరుకోవడం సాగించారు. దీంతో తీవ్ర ఉద్రిక్తత నెలకొంది.

తెలంగాణ ప్రాంత మంత్రులపై విద్యార్థులు తీవ్ర నిరసన వ్యక్తం చేశారు. తెలంగాణ ప్రాంత రాష్ట్ర మంత్రులు ముఖ్యమంత్రికి తొత్తులుగా వ్యవహరిస్తున్నారని వారు విమర్శించారు. ముఖ్యమంత్రి ఎన్టీఆర్ స్టేడియానికి భారీ భద్రత మధ్య చేరుకున్నారు. అక్కడ ప్రభుత్వ రాష్ట్రావతరణ దినోత్సవాలు ప్రారంభమయ్యాయి. ఆదిలాబాదులో రాష్ట్రావతరణ దినోత్సవాల్లో పాల్గొనడానికి వచ్చిన మంత్రి డికె అరుణకు కూడా నిరసన ఎదురైంది. ఆమె బస చేసిన ఆర్ అండ్ బి అతిథి గృహం ముందు తెలంగాణావాదులు ఆందోళనకు దిగారు.