మొక్కుబడిగా ఏరియల్ సర్వేలు: రోశయ్యపై చిరు విమర్శ

విజయవాడ: ముఖ్యమంత్రి మొక్కుబడిగా ఏరియల్ సర్వే చేసి వెళ్లిపోయాడని ప్రజారాజ్యం పార్టీ వ్యవస్థాపక అధ్యక్షుడు చిరంజీవి విమర్శించారు. జల్ తుఫాను వల్ల నష్టపోయిన రైతులు ఆత్మహత్యలు చేసుకుంటే వాటిని ప్రభుత్వ హత్యలుగానే భావించాల్సి ఉంటుందన్నారు. తుఫాను బాధితుల్ని ఆదుకోవడంలో ప్రభుత్వం పూర్తిగా విఫలమయిందన్నారు.

రైతులను, కౌలు రైతులకు పంట నష్టాన్ని ప్రభుత్వం అందించాలని డిమాండ్ చేశారు. పంట తడిసిపోవటంతో రైతులు ఆవేదన చెందుతున్నారని, ఆ పంటను జాతీయ ఆహార సంస్థ (ఎన్ఎఫ్సీ) ద్వారా ప్రభుత్వం కొనిపించాలని సూచించారు. దానిని డిమాండ్ ఉన్న రాష్ట్రాలకు ఎగుమతి చేసి రైతులను ఆదుకోవాలన్నారు.