• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

ప్రభుత్వ శాఖల అధిపతులకు ముఖ్యమంత్రి రోశయ్య క్లాస్

By Pratap
|
Rosaiah
హైదరాబాద్: ప్రభుత్వ శాఖల అధిపతులకు ముఖ్యమంత్రి కె. రోశయ్య మంగళవారం క్లాస్ తీసుకున్నారు. ప్రభుత్వ అధికారుల తీరుపై ఆయన తీవ్ర అసంతృప్తి వ్యక్తం చేశారు. అధికారులు పనిచేయడం లేదని ఆయన ఆగ్రహం వ్యక్తం చేశారు. ప్రభుత్వం పని చేయడం లేదంటూ ప్రతిపక్షాల నాయకులే కాకుండా అధికార కాంగ్రెసు పార్టీ నాయకులు కూడా విమర్శిస్తున్న నేపథ్యంలో అధికారులను గాడిలో పెట్టడానికి ఆయన పూనుకున్నట్లు కనిపిస్తోంది. శాఖాధిపతులకు తమ తమ శాఖలపై కూడా అవగాహన లేదని ఆయన అన్నారు. మీ శాఖలో నిధులు ఎన్ని ఉన్నాయో మీకు తెలుసా అంటూ నిలదీశారు.

మంత్రులతో ఎందుకు సమన్వయం చేసుకోలేకపోతున్నారంటూ ఆయన అధికారులను అడిగారు. తెలుగుదేశం పార్టీ అధ్యక్షుడు నారా చంద్రబాబు నాయుడితో పాటు ప్రజారాజ్యం పార్టీ అధినేత చిరంజీవి నుంచి కూడా ముఖ్యమంత్రి రోశయ్య తీవ్ర విమర్శలు ఎదుర్కుంటున్నారు. ప్రభుత్వం పని చేయడం లేదని, అధికారులతోనూ మంత్రులతోనూ రోశయ్య పని చేయించలేకపోతున్నారని వారు విమర్శిస్తున్నారు. ఈ నేపథ్యంలో రోశయ్య అధికారులతో సమావేశమయ్యారు. ఇంతకు ముందు ఆయన మంత్రులకు క్లాస్ తీసుకున్నారు. మంత్రుల తీరుపై ఇటీవలి మంత్రివర్గ సమావేశంలో ఆయన తీవ్ర ఆగ్రహం వ్యక్తం చేశారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X