చిరంజీవికి దూరమైన భామా నాగిరెడ్డి: వైయస్ జగన్ వర్గంతో భేటీ

హైదరాబాద్: ప్రజారాజ్యం పార్టీ నాయకులు భూమా నాగిరెడ్డి ప్రజారాజ్యానికి క్రమంగా దూరమయ్యారు. గత కొన్నాళ్లుగా ఆయన దివంగత ముఖ్యమంత్రి వైయస్ రాజశేఖరరెడ్డి తనయుడు వైయస్ జగన్మోహన్ రెడ్డికి దగ్గరవుతున్నారు. గురువారం జగన్ వర్గం ఏర్పాటు చేసిన సమావేశానికి భూమా హాజరయ్యారు. దాంతో ఆయన జగన్ పెట్టే పార్టీలో చేరే అవకాశాలు స్పష్టంగా కనిపిస్తున్నాయి.

గతంలో పావురాలగుట్ట వద్ద జరిగిన దివంగత వైయస్ రాజశేఖరరెడ్డి సంస్మరణ సభలో భూమా నాగిరెడ్డి, శోభా నాగిరెడ్డి పాల్గొన్నారు. అనంతరం వైయస్ జగన్మోహన్ రెడ్డి పార్లమెంటు సభ్యత్వానికి, కాంగ్రెస్ పార్టీ ప్రాథమిక సభ్యత్వానికి రాజీనామా చేసిన అనంతరం ఆయన పులివెందుల వెళ్లారు. అక్కడ జగన్ ను ఆయన కలిశారు. ఈ భేటీకి పిల్లి సుభాష్ చంద్రబోస్ సైతం హాజరయ్యారు.