అసంతృప్తి టీ కప్పులో తుఫాను వంటిది: జెసి దివాకర్ రెడ్డి

హైదరాబాద్: మంత్రివర్గ కూర్పు సందర్భంగా వస్తున్న అసంతృప్తి టీ కప్పులో తుఫాను వంటిదని అనంతపురం జిల్లా శాసనసభ్యుడు జెసి దివాకర్ రెడ్డి గురువారం అన్నారు. ఇది సంక్షోభమేమీ కాదన్నారు. త్వరలో అంతా సమసి పోతుందున్నారు. కాగా జెసి మాజీమంత్రి పెద్దిరెడ్డి రామచంద్రారెడ్డికి పోన్లో మాట్లాడారు. పెద్దిరెడ్డి రామచంద్రారెడ్డితో శిల్పామోహన రెడ్డి భేటీ అయ్యారు.

మంత్రులు తమకు కేటాయించిన శాఖలపై రాద్దాంతం చేయటం తగదని మంత్రి శంకరరావు అన్నారు. తెలంగాణ మంత్రులకు తీవ్ర అన్యాయం జరిగిందని శాసనసభ్యుడు తూర్పు జయప్రకాశ్ రెడ్డి అన్నారు. తెలంగాణకు ప్రాధాన్యంలేని శాఖలను కేటాయించారన్నారు. ఉపముఖ్యమంత్రి పదవి విషయం తనకు తెలియదన్నారు. ఇస్తే మంచిదే అని అన్నారు. అయితే కేవలం తమ అసంతృప్తి మాత్రమే తెలియజేస్తున్నందున ఇది ప్రభుత్వానికి ఎలాంటి చేటు చేయదన్నారు. కాంగ్రెస్ ప్రభుత్వం కొనసాగుతుందన్నారు.