వైయస్ జగన్ శిబిరంలోకి మరో మాజీ మంత్రి కటారి ఈశ్వర్ కుమార్

విజయవాడ: మరో మాజీ మంత్రి మాజీ పార్లమెంటు సభ్యుడు వైయస్ జగన్ శిబిరంలో చేరబోతున్నారు. కృష్ణా జిల్లాకు చెందిన మాజీ మంత్రి కటారి ఈశ్వర్ కుమార్ వైయస్ జగన్ పార్టీలో చేరడానికి సిద్ధమయ్యారు. ఆయన కాంగ్రెసు పార్టీకి రాజీనామా చేసి వైయస్ జగన్ పార్టీలో చేరాలని నిర్ణయించుకున్నారు. కృష్ణా జిల్లాలో వైయస్ జగన్ కాంగ్రెసు పార్టీకి కలవరం కలిగిస్తోంది.

ఇప్పటికే మాజీ శాసనసభ్యుడు ఉదయభానుతో పాటు పలువురు నాయకులు వైయస్ జగన్ పార్టీలో చేరాలని నిర్ణయించుకున్నారు. ఈ నెల 21, 22 తేదీల్లో వైయస్ జగన్ రైతు సమస్యలపై 48 గంటల పాటు చేపట్టే నిరాహార దీక్ష విజయవాడలో రాజకీయ కేంద్రంగా మారే అవకాశం ఉంది.