చిరంజీవి కొవ్వెక్కి మాట్లాడుతున్నారు: టిడిపి నేత రేవంత్ రెడ్డి

హైదరాబాద్: ప్రజారాజ్యం అధ్యక్షుడు చిరంజీవిపై తెలుగుదేశం నాయకుడు రేవంత్ రెడ్డి తీవ్ర వ్యాఖ్య చేశారు. రైతులు పండించిన పంటలను తింటూ చిరంజీవి కొవ్వెక్కి మాట్లాడుతున్నారని ఆయన వ్యాఖ్యానించారు. తమ పార్టీ అధ్యక్షుడు నారా చంద్రబాబునాయుడిపై చిరంజీవి చేసిన వ్యాఖ్యలపై ఆయన శనివారం మీడియా ప్రతినిధుల సమావేశంలో మండిపడ్డారు. రైతు సమస్యలపై కేంద్రం దిగొచ్చే వరకు ఉద్యమం సాగిస్తామని ఆయన చెప్పారు. రాష్ట్ర ప్రభుత్వం ఉత్తమ ప్యాకేజీ ఇస్తే రైతులు ఎందుకు ఆత్మహత్యలు చేసుకుంటున్నారో చెప్పాలని ఆయన డిమాండ్ చేశారు.

రైతులకు ప్రకటించిన ప్యాకేజీని మార్చబోమని ముఖ్యమంత్రి కిరణ్ కుమార్ రెడ్డి అనడంపై తెలుగుదేశం నాయకులు తీవ్రంగా మండిపడుతున్నారు. ప్యాకేజీ మార్చకపోతే ముఖ్యమంత్రి తలరాత మారుస్తామని తెలుగుదేశం పార్టీ నాయకుడు పయ్యావుల కేశవ్ ఉన్నారు. ముఖ్యమంత్రి హైదరాబాదులో తక్కువగా ఢిల్లీలో ఎక్కువగా ఉంటున్నారని ఆయన అన్నారు. అమ్మకు జైకొడుతూ కాలం గడుపుతున్న ముఖ్యమంత్రి రైతులకు జైకొట్టేలా చేస్తామని ఆయన అన్నారు.