అమెరికాలో ఆంధ్ర మహిళ అనుమానాస్పద మృతి

రాజమండ్రి: అమెరికాలో ఆంధ్రా వివాహిత అనుమానాస్పదస్థితిలో మృతిచెందింది. దీంతో ఆమె స్వగ్రామం తూర్పు గోదావరి జిల్లా మామిడికుదురు మండలం మగటపల్లిలో విషాదం అలుముకుంది. మగటపల్లికి చెందిన భోగాల శ్రీకళ (30) భర్త కిషోర్, ఇద్దరు అబ్బాయిలతో అమెరికాలోని చార్లెస్టన్ నగరంలో నివసిస్తోంది. నెలరోజుల కిందటే వీరి కుటుంబం అంతా స్వగ్రామం వచ్చారు. తిరిగి ఈనెల 14న అమెరికా వెళ్లిపోయారు.

అమెరికా వెళ్లి పదిరోజులు కూడా పూర్తి కాకుండానే ఈనెల 20న శ్రీకళ మృతి చెందిందని మగటపల్లిలో నివసిస్తున్న కుటుంబసభ్యులకు సమాచారం అందింది. దీంతో తల్లిదండ్రులు బొలిశెట్టి లక్ష్మి, మాధవు ఒక్కసారిగా కుప్పకూలిపోయారు. శ్రీకళ మృతదేహాన్ని స్వదేశానికి తీసుకొచ్చేందుకు బంధువులు కృషి చేస్తున్నారు.