మహబూబ్ నగర్ జిల్లా రోడ్డు ప్రమాదంలో ఆరుగురు దుర్మరణం

మహబూబ్‌ నగర్‌: మహబూబ్ నగర్ జిల్లాలోని మానవపాడు మండలం బోరవెల్లి స్టేజి వద్ద సోమవారం తెల్లవారుజామున జరిగిన రోడ్డు ప్రమాదంలో ఆరుగురు మృతి చెందారు. మరో ముగ్గురు తీవ్రంగా గాయపడ్డారు. వోల్వో బస్సు వెనుక నుంచి సుమోను ఢీకొనడంతో ఈ దుర్ఘటన చోటు చేసుకుంది.

ఐదుగురు ఘటనాస్థలంలోనే మృత్యువాత పడగా మరొకరు ఆస్పత్రిలో చికిత్స పొందుతూ మరణించారు. మృతుల్లో ఇద్దరు చిన్నారులు కూడా ఉన్నారు. మృతులు, క్షతగాత్రులను గద్వాలకు చెందినవారుగా గుర్తించారు. పోలీసులు కేసు నమోదు చేసి దర్యాప్తు చేస్తున్నారు.