మద్దెలచెర్వు సూరి అంత్యక్రియలు పూర్తి, పలువురు హాజరు

అనంతపురం: కాల్పుల్లో మృతి చెందిన మద్దెలచెర్వు సూరి అంత్యక్రియలు అనంతపురం జిల్లాలోని ఆయన స్వగ్రామం మద్దెలచెర్వులో పూర్తయ్యాయి. తల్లిదండ్రుల సమాధుల పక్కనే అతనికి కూడా అంత్యక్రియలు నిర్వహించారు. అనంతపురం శాసనసభ్యుడు గుర్నాధరెడ్డి, మాజీ మంత్రి జేసీ దివాకరరెడ్డి సోదరుడు జేసీ ప్రభాకరరెడ్డి, జడ్పీ ఛైర్‌పర్సన్‌ కవిత పెద్దసంఖ్యలో పలుగ్రామాల ప్రజలు అంత్యక్రియల్లో పాల్గొన్నారు.

తల్లిదండ్రుల సమాధుల పక్కనే మద్దెలచెర్వు సూరి తాను బతికి ఉండగానే సమాధి నిర్మించుకున్నారు. ఆ సమాధిలోనే సూరి మృతదేహాన్ని ఖననం చేశారు. భాను కిరణ్, మధుమోహన్ రెడ్డిలే తన భర్తను హత్య చేశారని సూరి భార్య గంగుల భానుమతి ఆరోపిస్తున్నారు.