హైదరాబాద్ ఉమ్మడి రాజధానిగా ఉండడమే ఉత్తమం: జయేంద్ర సరస్వతి

గుంటూరు: హైదరాబాద్‌ను ఉమ్మడి రాజధానిగా చేయడమే ఉత్తమమని ప్రముఖ ఆధ్యాత్మిక గురువు జయేంద్ర సరస్వతి శుక్రవారం అభిప్రాయపడ్డారు. రాష్ట్రాన్ని రెండుగా ముక్కలు చేయాలనుకుంటే రెండు రాష్ట్రాలకు కలిపి హైదరాబాదును రాజధానిగా చేయడమే మంచి మార్గమని ఆయన సూచించారు. గతంలో సమైక్యాంధ్రగానే రాష్ట్రం ఉండాలని కోరుకుంటున్నట్టు ప్రకటించి వివాదాస్పదంగా మారారు. ఇప్పుడు హైదరాబాద్ ఉమ్మడి రాజధానిగా అంటూ మరోసారి వివాదాస్పద వ్యాఖ్యలు చేశారు.

ఆయోధ్యలో రామాలయ నిర్మాణం త్వరలో పూర్తవుతుందని అన్నారు. రాజకీయాల కారణంగానే ఎప్పడో పూర్తి కావాల్సిన రామాలయ నిర్మాణం ఆగిపోయిందన్నారు. అయితే రామాలయ నిర్మాణం దేశంలో మెజార్టీ ప్రజల ఆకాంక్ష అన్నారు. 2జి స్పెక్ట్రం కుంభకోణంలో మాజీ మంత్రి కేవలం ఒక్క రాజానే అక్రమాలకు పాల్పడలేదన్నారు. ఈ కుంభకోణంలో చాలామంది హస్తం ఉందన్నారు. రాజా ఒక్కడే అవినీతికి పాల్పడారనే అభిప్రాయం సరికాదన్నారు. ఆయనతో పాటు చాలామంది డబ్బులు తిన్నారన్నారు. దేశంలో అవినీతి పెరిగి పోయిందని ఆయన ఆవేదన వ్యక్తం చేశారు. లంచం లేదనిదే ఏ పని జరగడం లేదన్నారు.