శ్రీకృష్ణ కమిటీపై స్పందించడానికి ఎంపీ లగడపాటి రాజగోపాల్ నో

విజయవాడ: కేంద్ర ప్రభుత్వం తెలంగాణ అంశంపై ఏర్పాటు చేసిన శ్రీకృష్ణ కమిటీ నివేదికపై మాట్లాడడానికి విజయవాడ పార్లమెంటు సభ్యుడు ఆదివారం నిరాకరించారు. తమ దృష్టి ప్రస్తుతం శ్రీకృష్ణ కమిటీపైన గానీ, తెలంగాణ పైన గానీ లేదని కృష్ణా ట్రిబ్యునల్ పైనే ఉందని చెప్పారు. కృష్ణా నది జలాల్లో ఆంధ్రప్రదేశ్ తీవ్రంగా నష్టపోయిందని ఆయన ఆభిప్రాయపడ్డారు.

కృష్ణా నీటిపై బ్రజేష్ కమిటీ ఇచ్చిన తీర్పును వెంటనే సవరించకుంటే న్యాయం కోసం సుప్రీం కోర్టుకు వెళతామని ఆయన హెచ్చరించారు. మిగులు జలాలు పంచడం సరికాదని ఆయన అన్నారు. ఇంతకుముందు 75 సంవత్సరాల నికర జలాలు తీసుకొని ఇప్పుడు 65 శాతం తీసుకోవడం సరికాదన్నారు. 75 శాతం తీసుకుంటే మన రాష్ట్రానికి న్యాయం జరిగేదన్నారు.