పశ్చిమ గోదావరి జిల్లా రోడ్డు ప్రమాదంలో ఐదుగురు మృతి

భీమవరం: పశ్చిమగోదావరి జిల్లా భీమవరం మండలం వేండ్రపంపుల చెరువు వద్ద శనివారం అర్థరాత్రి జరిగిన రోడ్డు ప్రమాదంలో ఐదుగురు అక్కడికక్కడే మృతి చెందగా, మరొకరు గల్లంతయ్యారు. పాలకోడేరు మండలం వేండ్ర నుంచి భీమవరం వెళ్తుండగా కారు కాల్వలోకి దూసు కెళ్లడంతో ఈ ప్రమాదం చోటు చేసుకుంది.

మృతి చెందిన వారిలో హైదరాబాద్‌కు చెందిన ఎం.ఆంజనేయశ్వరెడ్డి, దాట్ల సరస్వతి, సాయి అభినవశర్మ, భీమవరానికి చెందిన శ్రీనివాసరాజు, రాధలు ఉన్నారు. ప్రమాదంలో శ్రీనివాసరాజు భార్య పద్మ గల్లంతయ్యింది. ఆమె కోసం పోలీసులు గాలింపు చేపట్టారు.