నెలలో రెండోసారి పెట్రోల్ ధర పెంపు, ముడి చమురు ధర సాకు

న్యూఢిల్లీ‌: పెట్రోల్ ధరలు మరోసారి పెరిగాయి. నెలలో పెట్రోల్ ధర పెంపు ఇది రెండోసారి. అంతర్జాతీయ విపణిలో ముడి చమురు ధర 92డాలర్లు ఉండటంతో పెట్రో ధరలు పెంచినట్లు చమురు సంస్థలు తెలిపాయి. పెరిగిన పెట్రో ధరలు గత అర్ధరాత్రి నుంచి అమలులోకి వచ్చాయి. ఇండియన్‌ ఆయిల్‌ లీటరుకు రూ. 2.50, హిందుస్థాన్‌ పెట్రోలియం రూ.2.54, భారత్‌ పెట్రోలియం రూ.2.53 చొప్పున పెంచాయి.

ఇండియన్ ఆయిల్ కార్పోరేషన్ పెట్రోల్ ధర లీటరుకు రూ.2.50 పైసలు పెరగగా, హిందుస్తాన్ పెట్రోలియం కార్పోరేషన్ లిమిటెడ్ పెట్రోల్ ధర లీటరుకు రూ.2.54 పైసలు పెరిగాయి. భారత్ పెట్రోలియం కార్పోరేషన్ పెట్రోల్ ధర లీటరుకు రూ.2.53 పైసలు పెరిగింది. ఈ మూడు సంస్థలు కూడా డిసెంబర్ 15-16 తేదీ నుంచి లీటరుకు రూ. 2.94 - 2.96 పైసలకు పెంచాయి. అది అతి పెద్ద పెంపు.