మోత్కుపల్లి నర్సింహులు వ్యాఖ్యలపై నాగం జనార్దన్ రెడ్డి నో కామెంట్

హైదరాబాద్: తమ పార్టీ నాయకుడు మోత్కుపల్లి నర్సింహులుపై తనపై చేసిన వ్యాఖ్యలపై స్పందించడానికి తెలుగుదేశం పార్టీ సీనియర్ నాయకుడు నాగం జనార్దన్ రెడ్డి నిరాకరించారు. మోత్కుపల్లి నర్సింహులు వ్యాఖ్యలపై తమ పార్టీ అధ్యక్షుడు నారా చంద్రబాబునాయుడు మాట్లాడుతారని ఆయన శుక్రవారం మీడియాతో అన్నారు. తాను ముఖ్యమంత్రి పదవికోసం ప్రయత్నిస్తున్నట్లు మోత్కుపల్లి నర్సింహులు వ్యాఖ్యల పట్ల ఆయన విస్మయం వ్యక్తం చేశారు.

పార్టీలో తెలంగాణకు ప్రత్యేక శాఖ అవసరం లేదంటూ మోత్కుపల్లి నర్సింహులు నాగం జనార్దన్ రెడ్డిపై తీవ్ర వ్యాఖ్యలు చేశారు. నాగం జనార్దన్ రెడ్డి పేరెత్తకుండా ఆయన తీవ్ర విమర్శలు చేశారు. చంద్రబాబును బ్లాక్ మొయిల్ చేయడానికి కొందరు ప్రయత్నిస్తున్నారని, తెలంగాణ రాకుండానే ముఖ్యమంత్రి పదవి కోసం ఆధిపత్య పోరు సాగిస్తున్నారని ఆయన వ్యాఖ్యానించారు.