వైఎస్ జగన్ బాటలో చిరంజీవి: త్వరలో రైతు ఓదార్పుయాత్ర

హైదరాబాద్: మాజీ పార్లమెంటు సభ్యుడు వైఎస్ జగన్మోహన్ రెడ్డి బాటలో చిరంజీవి కూడా ఓదార్పు యాత్రలకు సిద్ధమవుతున్నారు. అయితే జగన్ తన తండ్రి ఆకస్మిక మృతి కారణంగా చనిపోయిన కుటుంబాలను పరామర్శిస్తే చంద్రబాబు అకాల వర్షాల వల్ల పంట నష్టపోయిన రైతులను పరామర్శించనున్నారు. ఈ విషయాన్ని చిరంజీవి బుధవారం వెల్లడించారు. అకాల వర్షాలవల్ల పంట నష్టపోయిన రైతులను పరామర్శించడానికి తాను రైతు ఓదార్పు యాత్ర చేస్తానని చిరంజీవి ప్రకటించారు.

కేంద్రం పెంచిన పెట్రో ధరలకు నిరసనగా గురువారం అనంతపురం జిల్లాలో నిరసన తెలుపుతామని చెప్పారు. పెట్రోలు ధరలు పెరిగినందుకు తెలుగుదేశం పార్టీ అధ్యక్షుడు చంద్రబాబునాయుడు చేసిన నిరసన విడ్డూరంగా ఉందన్నారు. తాను ప్రభుత్వానికి మద్దతు ఇస్తానని అయితే మద్దతు ఇస్తానంటే ప్రభుత్వం చేసే దుర్మార్గపు చర్యలకు కూడా మద్దతు ఇస్తానని అర్థం కాదన్నారు. ప్రభుత్వం ప్రజా వ్యతిరేక కార్యకలాపాలకు పాల్పడితే వ్యతిరేకిస్తామని చెప్పారు.