• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

తెలంగాణను అడ్డుకోవడానికే చిరుతో కాంగ్రెసు దోస్తీ: హరీష్‌ రావు

By Srinivas
|
Google Oneindia TeluguNews
Harish Rao
హైదరాబాద్: ప్రత్యేక తెలంగాణ రాష్ట్రాన్ని అడ్డుకోవడానికే కాంగ్రెసు పార్టీ ప్రజారాజ్యం పార్టీతో పొత్తుకు సిద్ధమవుతోందని తెలంగాణ రాష్ట్ర సమితి సీనియర్ నాయకుడు, సిద్దిపేట ఎమ్మెల్యే హరీష్‌రావు గురువారం అన్నారు. వివిధ విశ్వవిద్యాలయాల ప్రొఫెసర్లు హైదరాబాదులోని గన్‌పార్కు వద్ద మౌనదీక్షను చేపట్టారు. ఈ దీక్షకు హరీష్‌రావు సంఘీభావం ప్రకటించారు. సమైక్యావాది అయిన చిరుతో పొత్తు పెట్టుకోవడంపై ఇప్పటికైనా తెలంగాణ నేతలు కళ్లు తెరవాలన్నారు. తెలంగాణ వచ్చే వరకు ఉద్యమాలు ఆగవని స్పష్టం చేశారు. తెలంగాణ వచ్చే వరకు పాలన స్తంభింపజేస్తామన్నారు. సహాయ నిరాకరణకు అందరూ మద్దతు ఇవ్వాలని ఆయన కోరారు.

అసెంబ్లీలో గవర్నర్ నరసింహన్ ప్రసంగాన్ని అడ్డుకుంటామని చెప్పారు. మాతో పాటు తెలంగాణ కాంగ్రెసు, తెలుగుదేశం పార్టీ ఎమ్మెల్యేలు పోడియం వద్దకు రావాలన్నారు. తెలంగాణ వచ్చే వరకు అసెంబ్లీని స్తంబింపజేస్తామన్నారు. బడ్జెట్ ప్రవేశ పెట్టకుంటా అడ్డుకుంటామని చెప్పారు. తమతో ఎమ్మెల్యేలంతా కలిసి రావాన్నారు. ఈనెలలో పార్లమెంటు బడ్జెట్ సమావేశాలను కూడా ఎంపీలు అడ్డుకోవాలని సూచించారు. సీమాంధ్రులకు లేని హైకమాండ్ కేవలం తెలంగాణవారికే ఉంటుందా అని ఆయన ప్రశ్నించారు. సమావేశాలను అడ్డుకొని ఉద్యమ తీవ్రతను ప్రభుత్వాల దృష్టికి తీసుకు వెళ్లాలన్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X