తెలంగాణ ఇవ్వకుంటే కాంగ్రెసు‌ను బొంద పెడతాం: ఎంపీ విజయశాంతి

మెదక్: కాంగ్రెసు ప్రభుత్వంపై తెలంగాణ రాష్ట్ర సమితి సీనియర్ నాయకురాలు, మెదక్ పార్లమెంటు సభ్యురాలు విజయశాంతి మంగళవారం తీవ్రస్థాయిలో ధ్వజమెత్తారు. కేంద్ర ప్రభుత్వం తెలంగాణ రాష్ట్రాన్ని ప్రకటించకుంటే తెలంగాణ ప్రజలు కాంగ్రెసు పార్టీని బొంద పెడతారని అన్నారు. ముఖ్యమంత్రి కిరణ్‌కుమార్ రెడ్డి ఆధ్వర్యంలో ప్రభుత్వం రచ్చబండ పేరుతో తెలంగాణవాదులను వేధిస్తుందని ఆరోపించారు. తెలంగాణవాదుల పట్ల ప్రభుత్వం రాక్షసంగా ప్రవర్తిస్తుందని అన్నారు.

పోలీసుల లాఠీఛార్జీలతో, బూట్లతో తెలంగాణను వణికిస్తున్నారన్నారు. కాంగ్రెసు పార్టీలో తెలంగాణ రాష్ట్ర సమితి కలిసేది లేదని ఖరాఖండిగా విజయశాంతి చెప్పారు. కేంద్రం వెంటనే తెలంగాణ ప్రకటించకుంటే ఉద్యమం మరింత ఉధృతం చేస్తామని హెచ్చరించారు.

English summary

MP Vijayashanthi condemned Congress comments on TRS Merger. She fired at Congress. She said If Centre will not give Telangana, Congress disappears in Telangana. She said Government scaring in Telangana people with Racha Banda.