తూర్పు గోదావరి జిల్లా రోడ్డు ప్రమాదంలో ముగ్గురు మహిళల మృతి

By Srinivas

Published: Thursday, February 24, 2011, 11:35 [IST]

రాజమండ్రి: తూర్పు గోదావరిలో గురువారం ఉదయం జరిగిన ఘోర రోడ్డు ప్రమాదంలో ముగ్గురు మృతి చెందటం ఘోర విషాదాన్ని నింపింది. తూర్పు గోదావరి జిల్లా ముమ్మిడివరం మండలం మహిపాల చెరువు వద్ద ఓ ఆర్టీసి బస్సు - ఆటో ఢీ కొన్నాయి. దీంతో ఆటోలో ఉన్న వారు మృతి చెందారు. ఈ సంఘటనలో ముగ్గురు మరణించారు. మృతి చెందిన ముగ్గురూ మహిళలే. పలువురికి తీవ్రమైన గాయాలయ్యాయి.

కాగా తీవ్ర గాయాలైన వారిని దగ్గరలోని ఆసుపత్రికి చికిత్స నిమిత్తం తరలించారు. మహిళల మృతదేహాలను పోస్టుమార్టం నిమిత్తం తరలించారు. కాగా పోలీసులు ఈ ప్రమాదం కేసును నమోదు చేసుకొని దర్యాఫ్తు చేస్తున్నారు.

Published On February 24, 2011