ముఖ్యమంత్రి, గవర్నర్, మంత్రులకు జీతాలు అందలేదు

హైదరాబాద్: తెలంగాణ ఉద్యోగుల సహాయ నిరాకరణ వల్ల గవర్నర్ నరసింహన్, ముఖ్యమంత్రి కిరణ్ కుమార్ రెడ్డి, మంత్రులకు ఈ నెల సకాలంలో జీతాలు అందలేదు. ఈ నెల మూడో తేదీ వరకు కూడా వేతనాలు అందే అవకాశం లేదు. విధుల్లో పాల్గొన్న ఉద్యోగులకు కూడా జీతాలు రాలేదు. దీంతో వారు ప్రభుత్వ ప్రధాన కార్యదర్శి ఎస్వీ ప్రసాద్‌ను కలిసి తమకు వేతనాలు చెల్లించాలని కోరారు. దీంతో ఆయన జీతాల చెల్లింపునకు ఆర్థిక శాఖను ఆదేశించారు.

ఫిబ్రవరి 17వ తేదీ నుంచి తెలంగాణ ఉద్యోగులు సహాయ నిరాకరణ ఉద్యమం కొనసాగిస్తున్నారు. వారి డిమాండ్లను కొన్నింటిని ప్రభుత్వం అంగీకరించింది. సహాయ నిరాకరణ ఉద్యమాన్ని విరమించాలని మంత్రి వర్గ ఉపసంఘం కోరింది. తాము ఈ నెల 3వ తేదీన నిర్ణయం తీసుకుంటామని తెలంగాణ ఉద్యోగ సంఘాల జెఎసి నాయకులు చెప్పారు. అయితే, సహాయ నిరాకరణలో పాల్గొన్న ఉద్యోగులకు ఆ కాలానికి వేతనాల్లో కోత విధించాలని ఆలోచిస్తున్నట్లు తెలుస్తోంది.

English summary

Governor Narasimhan, CM Kirankumar Reddy and ministers not yet recieved salaries for the month of February due Telangana employes civil disobedience movement. They are in civil disobedience movement since February 17.