బాబ్రీ కూల్చివేత కేసులో అద్వానీకి, థాకరేలకు సుప్రీంకోర్టు నోటీసులు

న్యూఢిల్లీ: బాబ్రీ మసీదు కూల్చివేత కేసులో సుప్రీంకోర్టు శుక్రవారం బిజెపి సీనియర్ నేత అద్వానీకి, శివసేన అధినేత బాల్ థాకరేకు, మరో 19 మందికి నోటీసులు జారీ చేసింది. వీరిపై నేరారోపణలను ఉపసంహరించుకోవాలని అలహాబాద్ హైకోర్టు చేసిన ఆదేశాలను సిబిఐ సుప్రీంకోర్టులో సవాల్ చేసింది. ఈ మేరకు సిబిఐ ఫిబ్రవరి 1వ తేదీన సుప్రీంకోర్టును ఆశ్రయించింది. వారిపై నేరారోపణలను ఉపసంహరిస్తూ ట్రయల్ కోర్టు ఇచ్చిన తీర్పును సమర్థిస్తూ అలహాబాద్ హైకోర్టు నిర్ణయాన్ని సవాల్ చేస్తూ సిబిఐ దాఖలు చేసిన స్పెషల్ లీవ్ పిటిషన్ 9 నెలల తర్వాత ముందుకు వచ్చింది.

హైకోర్టు తీర్పు వెలువడిన 90 రోజుల్లోగానే దాన్ని సుప్రీంకోర్టులో సవాల్ చేయాల్సి ఉంటుంది. హైకోర్టు నిరుడు మే 20వ తేదీన తీర్పు వెలువరించింది. అయితే, సిబిఐ అపీల్ చేయడంలో ఆరు నెలల జాప్యం చేసింది. అలహాబాద్ హైకోర్టు సరైన నిర్ణయానికి రాలేకపోయిందని, అద్వానీ, మరో 20 మందిపై క్రిమినల్ నేరారోపణలను పురద్ధరించాల్సిన అవసరం ఉందని సిబిఐ తన పిటిషన్‌లో అభిప్రాయపడింది.

English summary

The Supreme Court on Friday issued notices to senior BJP leader L K Advani, Shiv Sena chief Bal Thackeray and 19 others in the Babri Masjid demolition case. The CBI had challenged the Allahabad High Court's order to drop charges against senior BJP leader L K Advani, Bal Thackeray and others in the case.