జబల్పూర్ విశ్వవిద్యాలయంలో మార్కులకు సెక్స్ స్కామ్

జబల్పూర్: జబల్పూర్ విశ్వవిద్యాలయంలో సెక్స్ కుంభకోణం వెలుగు చూసింది. మార్కులు వేయడానికి సెక్స్‌ను ఆశించిన ఉదంతం బయటకు వచ్చింది. ఈ కుంభకోణంలో విశ్వవిద్యాలయానికి చెందిన ఇద్దరు ఉన్నతాధికారులను అరెస్టు చేశారు. రాణి దుర్గావతి విశ్వవిద్యాలయం పరీక్షల కంప్ట్రోలర్ ప్రొఫెసర్ ఎస్ఎస్ రాణాను, డిప్యూటీ రిజిస్ట్రార్ ఆర్ఎస్ కకోడియాను పోలీసులు మార్చి 1వ తేదీన అరెస్టు చేశారు. అంతకు మందు రాజు ఖాన్ అనే వ్యక్తిని ఈ కేసులో పోలీసులు అరెస్టు చేశారు.

ఈ కేసులో నిందితులైన ప్రేర్నా అత్వాల్ అనే విద్యార్థి, అజయ్ ఖండేల్వాల్ అన్ వ్యక్తి పరారీలో ఉన్నట్లు పోలీసులు తెలిపారు. నేతాజీ సుభాష్ చంద్రబోస్ వైద్య కళాశాల గత నెల ఎంబిబిఎస్ మొదటి సంవత్సరం స్టూడెంట్ ఎస్ ఆర్య చేసిన ఫిర్యాదు ప్రకారం - రీవాల్యుయేషన్‌లో మార్కులు పెరగాలంటే ఖాన్‌తో పడుకోవాలని కళాశాలలో ఆమె సీనియర్ ప్రేరణ సూచించింది. రెండు సబ్జెక్టుల్లో ఫెయిల్ అయినట్లు ఫలితాలు ఇంకా వెలువడక ముందే ప్రేరణ చెప్పింది. విశ్వవిద్యాలయంలో ఖాన్‌కు సంబంధాలున్నాయని, పాస్ చేయిస్తారని చెప్పింది. దీంతో ఎంబిబిఎస్ మొదటి సంవత్సరం సమాధాన పత్రాలను పోలీసులు స్వాధీనం చేసుకున్నారు.