జగన్ వర్గం కిడ్నాప్ చేసింది: హైకోర్టులో ఎంపిటిసి భార్య పిటిషన్

హైదరాబాద్: తన భర్త వి. చిన వెంకట సుబ్బన్నను జగన్ వర్గం శాసనసభ్యుడు సి. ఆదినారాయణరెడ్డి అనుచరులు కిడ్నాప్ చేసి నిర్బంధించారని ఎం పీటీసీ భార్య ఓబులమ్మ హైకోర్టులో హెబియస్ కార్పస్ పిటిషన్ వేశారు. ఈ పిటిషన్‌ను హైకోర్టు న్యాయమూర్తులు జస్టిస్ వి. ఈశ్వరయ్య, జస్టిస్ సూర్య అప్పారావులతో కూడిన డివిజన్ బెంచ్ విచారించింది. బాధితుని ఆచూకీ కనుగొని ఈ నెల 7న హైకో ర్టు ముందు హాజరుపర్చాలని వైఎస్ఆర్ (కడప) జిల్లా ఎస్పీని డివిజన్ బెంచ్ ఆదేశించింది. ఈ పిటిషన్‌లో స్టేటస్ రిపోర్టు ఇవ్వాలని ఆదేశాల్లో స్పష్టం చేసింది.

స్థానిక సం స్థల ప్రతినిథుల నియోజకవర్గం ఎమ్మెల్సీ ఎన్నికల నోటిఫికేషన్ వచ్చిన తర్వాత దొమ్మ ర నంద్యాల గ్రామంలో రెండో ఎంపీటీసీ సభ్యుడైన తన భర్తను జమ్మలమడుగు ఎ మ్మెల్యే సి. ఆదినారాయణరెడ్డి అనుచరుడు లక్ష్మయ్య కిడ్నాప్ చేశారని పిటిషన్‌లో ఆమె ఆరోపించారు. తన చుట్టూ మనుషులను పెట్టి ఎటూ కదలనీయకుండా నిర్బంధించారని, తనను విడిపించడానికి పోలీసులు జోక్యం చేసుకోవాల్సిందేనని తన భర్త ఫోన్‌లో చెప్పినట్లు ఆమె తెలిపారు. ఈ మేరకు సెల్‌ఫోన్‌లో రికార్డు చేసిన ఎంపీటీసీ వాయిస్ ను పిటిషనర్ తరపు న్యాయవాది డివిజన్ బెంచ్‌కు విన్పించారు. ఈ వాదనలు విన్న హహైకోర్టు కిడ్నాప్‌నకు గురైన ఎంపీటీసీ ఆచూకీ కనుగొని కోర్టు ముందుంచాలని ఆదేశించింది.

English summary

MPTC China Venkata Subbanna's wife Obulamma filed petition in High Cort alleging YS Jagan camp MLA Adinarayana Reddy's followers kidnapped her husband. Reacting to the petition High Court ordered District SP to produce China Venkata Subbanna before March 7.