AP TET 2026 Schedule: ఏపీ టెట్-2026 షెడ్యూల్ విడుదల

ఏపీలో టీచర్ ఉద్యోగాల కోసం పోటీ పడుతున్న నిరుద్యోగులకు కూటమి ప్రభుత్వం భారీ గుడ్ న్యూస్ ప్రకటించింది. ఏపీ టెట్-2026 షెడ్యూల్ ‌ను విడుదల చేసింది. ఈమేరకు రాష్ట్ర విద్యాశాఖ మంత్రి నారా లోకేశ్ ఎక్స్ వేదికగా వివరాలను వెల్లడించారు. ఈ నెల 5వ తేదీన నోటిఫికేషన్ ఇవ్వనున్నట్లు తెలిపారు. జూన్ 5 నుంచి జూలై 5 వరకు ఆన్ లైన్ లో దరఖాస్తుల స్వీకరణ, ఫీజు చెల్లింపు ఉంటుందని వివరించారు.

అలాగే జులై 25 నుంచి హాల్ టికెట్లు అందుబాటులో ఉంటాయని అభ్యర్థులు డౌన్ లోడ్ చేసుకోవచ్చని మంత్రి నారా లోకేశ్ తెలిపారు. ఇక ఆగస్టు 5 నుంచి 21వ తేదీ వరకు రోజూ రెండు సెషన్స్ లో పరీక్ష నిర్వహిస్తామని స్పష్టం చేశారు. ఉదయం 9 గంటల 30 నిమిషాల నుంచి మధ్యాహ్నం 12 గంటల వరకు మొదటి సెషన్ అలాగే.. మధ్యాహ్నం 2 గంటల 30 నిమిషాల నుంచి సాయంత్రం 5 గంటల వరకు రెండో సెషన్ ఉంటుందని పేర్కొన్నారు.

ఇక ఆగస్టు 24 న ప్రాథమిక కీ విడుదల, సెప్టెంబర్ 8న ఫైనల్ కీ విడుదల చేస్తామని ప్రకటించారు. సెప్టెంబర్ 15వ తేదీన తుది ఫలితాలు వెల్లడిస్తామని ట్వీట్ చేశారు. అలాగే ఈ ఏడాది అక్టోబరులో DSC నోటిఫికేషన్ విడుదల చేస్తామని మంత్రి నారా లోకేశ్ ప్రకటించారు. ఇక DSC రాసే అభ్యర్థులకు టెట్ స్కోర్ ఎంతో కీలకం కావడంతో, అర్హులైన అభ్యర్థులందరికీ అవకాశం కల్పించేందుకే ముందుగా టెట్ పరీక్షను నిర్వహిస్తున్నట్లుగా విద్యాశాఖ వర్గాలు పేర్కొన్నాయి.