లైంగిక వేధింపుల అధికారి చెంప చెల్లుమనిపించిన మహిళ!

By Srinivas

Published: Sunday, March 13, 2011, 15:20 [IST]

విజయవాడ: దుకాణం నిర్వహించుకోవాలంటే తన వద్దకు రావాల్సిందిగా ఓ అధికారి వేధింపులకు గురి చేయడంతో ఓ మహిళ ఆ అధికారి చెంప చెల్లుమనిపించింది. విజయవాడ స్వరాజ్ మైదన్ ప్రాంతంలోని రైతు బజార్ మార్కెటింగ్ అధికారి నాగేశ్వరరావుపై సుకన్య అనే మహిళ చేయి చేసుకుంది. తనకు దుకాణాన్ని నిర్వహించుకునేందుకు అనుమతి ఇవ్వడం లేదని, అనుమతి ఇవ్వడానికి తనను లైంగికంగా వేధిస్తున్నాడని ఆరోపణలు చేస్తూ ఆయన చెంపపై కొట్టింది.

తనను వేధిస్తున్నందుకే ఆయనను కొట్టానని ఆమె చెప్పింది. కాగా సుకన్య బినామి పేరుతో దుకాణం నిర్వహిస్తోందని, జాయింట్ కలెక్టర్ ఆమె దుకాణాన్ని తొలగించాలని ఆదేశాలు జారీ చేసినట్టు నాగేశ్వరరావు తెలిపారు. దీనిలో భాగంగా రేషన్‌కార్డు చూపించాలని అడగ్గా తన బండారం బయట పడుతుందనే భయంతో ఆమె తనపై చేయి చేసుకుందని ఆయన వివరించారు.

Published On March 13, 2011