• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

సభకు ఎమ్మెల్యేలు: ఫలించిన సిఎం, డిఎస్ దౌత్యం

By Srinivas
|
Google Oneindia TeluguNews
Kiran Kumar Reddy-D Srinivas
హైదరాబాద్: శాసనసభా సమావేశాలకు వెళ్లాలని తెలంగాణ కాంగ్రెస్ ఎమ్మెల్యేలు ఎట్టకేలకు సోమవారం నిర్ణయించుకున్నారు. టిజెఎఫ్ పోటీ శాసనసభకు వెళతారనే అనుమానంతో పిసిసి అధ్యక్షులు డి శ్రీనివాస్, ముఖ్యమంత్రి కిరణ్ కుమార్ రెడ్డి సోమవారం టి-కాంగ్రెస్ ఎమ్మెల్యేలతో సమావేశమయ్యారు. ఎమ్మెల్యేలు అసెంబ్లీకి రావడానికి ఒప్పుకోవడంతో వారి దౌత్యం ఫలించినట్లయింది. ముఖ్యమంత్రి, డిఎస్ వారికి అన్ని విధాలా నచ్చజెప్పే ప్రయత్నాలు చేశారు. తెలంగాణ అంశం అధిష్టానం ఆధీనంలో ఉందని, దానిపై సరైన సమయంలో నిర్ణయం ప్రకటిస్తుందని చెప్పారు. అధికార పార్టీ సభ్యులుగా ఉండి సభకు హాజరు కాకుండా ఉంటే ప్రజలలోకి తప్పుడు సంకేతాలు వెళతాయని వారికి నచ్చజెప్పినట్టుగా తెలుస్తోంది.

కేంద్రం నిర్ణయం ప్రకటించే వరకు సమావేశాలకు హాజరు కావాలని సిఎం, డిఎస్ నచ్చజెప్పటంతో వారు ఒప్పుకున్నట్లుగా తెలుస్తోంది. దాంతో ఎట్టకేలకు వారు శాసనసభ సమావేశాలకు హాజరవుతామని చెప్పారు. కాగా సమావేశంలో డిఎస్ ఎమ్మెల్యేలకు క్లాస్ తీసుకున్నట్టుగా తెలుస్తోంది. అధికార సభ్యులుగా ఉండి అసెంబ్లీ సమావేశాలకు వెళ్లక పోవడం ఏమిటని ప్రదేశ్ కాంగ్రెస్ కమిటీ అధ్యక్షుడు డి శ్రీనివాస్ ఎమ్మెల్యేలను ప్రశ్నించినట్టుగా తెలుస్తోంది. సభకు వెళ్లక పోవడం మంచిది కాదని సూచించారు.

సమస్యలు ఏమైనా ఉంటే ముఖ్యమంత్రి కిరణ్ కుమార్ రెడ్డితో మాట్లాడి పరిష్కరించుకోవాలని సూచించారు. సభ నడుస్తుంటే టిజెఎఫ్ పోటీ అసెంబ్లీకి ఎలా వెళతారని ఆయన వారిని ప్రశ్నించారు. బయట ఉండి మీరు సాధించినది ఏంటని ఆయన ప్రశ్నించారు.

English summary
PCC chief D Srinivas questioned Telangana Congress MLAs attitude today. He suggested them to attend assembly session. He condemned MLAs decission to attend TJF assembly.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X