పితృత్వం కేసులో ఆంధ్రప్రదేశ్ మాజీ గవర్నర్ తివారీకి చుక్కెదురు

న్యూఢిల్లీ: పితృత్వం కేసులో ఆంధ్రప్రదేశ్ మాజీ గవర్నర్ ఎన్‌డి తివారీకి మరోసారి చుక్కెదురైంది. పితృత్వ పరీక్షలకు తివారీ వ్యక్తం చేసిన అభ్యంతరాలను సుప్రీంకోర్టు సోమవారం తోసిపుచ్చింది. ప్రస్తుతం 31 ఏళ్లు ఉన్న రోహిత్ శేఖర్ అనే యువకుడు - తివారీని తన తండ్రిగా ప్రకటించాలని కోరుతూ పిటిషన్ దాఖలుచేశాడు. తన తల్లి ఉజ్వల శర్మతో లైంగిక సంబంధాలు పెట్టుకున్న తివారీకి తాను జన్మించానని అతను వాదిస్తున్నాడు.

అయితే, పితృత్వ పరీక్షలకు తివారీ అభ్యంతరాలు వ్యక్తం చేస్తున్నారు. అది తన ప్రైవసీని దెబ్బ తీసే చర్య అని ఆయన అభివర్ణిస్తున్నారు. తివారీకి పితృత్వ పరీక్షలు నిర్వహించాలని ఢిల్లీ హైకోర్టు నిరుడు డిసెంబర్‌లో జారీ చేసింది. తివారీ లాలాజలం డిఎన్ఎ నమూనాలను తీసుకుంటారా, లేదంటే వెంట్రుకల నమూనాలను తీసుకుంటారా అనేది కోర్టు శుక్రవారం నిర్ణయిస్తుంది. డిఎన్ పరీక్షలు ఎల్లవేళలా కచ్చితంగా ఉండవని తివారీ న్యాయవాదులు అంటున్నారు.

English summary

The Supreme Court today dismissed politician Natayan Dutt Tiwari's objections to a paternity test. The Congress leader has been named by Rohit Shekhar, now 31 years old, as his father. Mr Shekhar claims that Mr Tiwari was in a relationship many years ago with his mother, Ujjawala Sharma.