ముఖ్యమంత్రికి టిక్కెట్ నిరాకరణ: కేరళ సిఎంకు షాక్

కొచ్చి: కేరళ ముఖ్యమంత్రికి ఆ పార్టీ బుధవారం షాక్ ఇచ్చింది. త్వరలో జరగనున్న ఎన్నికల నేపథ్యంలో కేరళ సిపిఎం పార్టీ తమ పార్టీ సీనియర్ నేత, కేరళ ముఖ్యమంత్రి అయిన అచ్యుతానందన్‌కు సిపిఎం రాష్ట్ర కార్యవర్గం టిక్కెట్ నిరాకరించింది. బుధవారం రాష్ట్ర కార్యవర్గ సమావేశంలో ఈ నిర్ణయం తీసుకున్నారు.

అయితే సిపిఎం భాగస్వామ్య పక్షాలతో కలిసిన ఎల్‌డిఎఫ్ పక్షం తరఫున ప్రచార బాధ్యతలను ఆ రాష్ట్ర హోంమంత్రి కొడియేరి బాలకృష్ణన్‌కు అప్పగించారు. కాగా రాబోయే ఎన్నికలలో పోటీ చేసే అభ్యర్థుల పలువురి జాబితాను రాష్ట్ర పార్టీ విడుదల చేసింది. 93 నియోజకవర్గాలకు అభ్యర్థులను ఖరారు చేసి విడుదల చేసింది.