ఓటుకోసం కెసిఆర్ కిషన్‌రెడ్డిని అడిగారు: ఈటెల రాజేందర్

హైదరాబాద్: ఎమ్మెల్యే కోటాలో జరుగుతున్న శాసనమండలి ఎన్నికలలో తెలంగాణ రాష్ట్ర సమితి అభ్యర్థికి ఓటు వేయాలని భారతీయ జనతా పార్టీ రాష్ట్ర అధ్యక్షుడు జి.కిషన్‌రెడ్డిని టిఆర్ఎస్ పార్టీ అధ్యక్షుడు కె.చంద్రశేఖరరావు అడిగారని ఆ పార్టీ శాసనసభా వ్యవహారాల నేత ఈటెల రాజేందర్ గురువారం అన్నారు. మా పార్టీ అభ్యర్థికి బిజెపి తప్పకుండా ఓటు వేస్తుందన్న ఆశాభావాన్ని ఆయన వ్యక్తం చేశారు. కాగా ఎమ్మెల్సీ ఎన్నికలలో ఓటు వేయాలా వద్దా అనే విషయంపై కిషన్ రెడ్డి, యెండల లక్ష్మీనారాయణ భేటీ అయినట్లుగా తెలుస్తోంది.

టిఆర్ఎస్ ఎమ్మెల్యేలు అసెంబ్లీలో ముఖ్యమంత్రి కిరణ్ కుమార్ రెడ్డిని కలిసి ఎస్సారెస్సీ నీటిని విడుదల చేయాలని కోరారు. అదిలాబాద్, కరీంగనర్, వరంగల్ జిల్లాకు ఆ నీరు వస్తేనే మంచి నీరు ఉంటుందని దానిని విడుదల చేయాల్సిందిగా వారు కోరారు. సిఎం సానుకూలంగా స్పందించారని, సాయంత్రంలోగా నిర్ణయం తీసుకుంటామని సిఎం చెప్పారని ఈటెల చెప్పారు.

English summary

TRSLP Etela Rajender said today that TRS president K Chandrasekhar Rao urged BJP MLAs to vote TRS candidate in mlc election. TRS MLAs met today CM Kiran and urged to release SRSC water.