కిరణ్ కుమార్ రెడ్డిపై మండిపడిన జగన్ క్యాంప్ ఎమ్మెల్యే బాలినేని

హైదరాబాద్: ముఖ్యమంత్రి కిరణ్‌కుమార్‌రెడ్డి వ్యాఖ్యలపై వైయస్సార్ కాంగ్రెసు పార్టీ నాయకుడు వైయస్ జగన్‌కు వర్గానికి చెందిన శానససభ్యుడు, మాజీమంత్రి బాలినేని శ్రీనివాసరెడ్డి ఆగ్రహం వ్యక్తం చేశారు. ఎమ్మెల్సీ ఎన్నికల్లో కాంగ్రెస్ అభ్యర్థిని ఓడించేందుకే పార్టీకి చెందిన 11మంది ఎమ్మెల్యేలు క్రాస్ ఓటింగ్‌కు పాల్పడ్డట్లు కన్పిస్తోందని సీఎం చేసిన వ్యాఖ్యలను ఆయన శనివారం మీడియా ప్రతినిధుల సమావేశంలో తప్పుబట్టారు.

మహ్మద్ జానీని ఓడించాలనే ముఖ్యమంత్రి వ్యూహాత్యకంగానే ఆయనను అభ్యర్థిగా ప్రకటించారని బాలినేని అన్నారు. తమ ఓట్లును ఎంఐఎంకు కేటాయించాల్సిందిగా ముందుగానే ముఖ్యమంత్రిని కోరామన్నారు. ఒప్పందాలను ఉల్లంఘించి మహ్మద్ జానీని ఓడించేందుకు ప్రయత్నించారంటూ ముఖ్యమంత్రి జగన్ వర్గం ఎమ్మెల్యేలపై నిందలు వేయటం హాస్యాస్పదంగా ఉందని ఆయన వ్యాఖ్యానించారు. తాము మజ్లీస్ అభ్యర్థికి ఓటేస్తామని మంత్రి రఘువీరా రెడ్డి సమక్షంలోనే ముఖ్యమంత్రికి చెప్పామని ఆయన అన్నారు.

English summary

Congress MLA belongs to YS Jagan, Balineni Srinivas reddy condemned CM Kiran Kumar Redd's comments on MLC election. He said that Kiran Kumar Reddy himself hatched conspiracy for Johny's defeat.