జెసి దివాకర్ రెడ్డిపై చర్యలకు ముఖ్యమంత్రి కిరణ్ కుమార్ రెడ్డి రెడీ

హైదరాబాద్: పార్టీకి వ్యతిరేకంగా పనిచేసిన తమ కాంగ్రెసు పార్టీ శాసనసభ్యుడు జెసి దివాకర్ రెడ్డిపై చర్యలకు ముఖ్యమంత్రి కిరణ్ కుమార్ రెడ్డి సిద్ధమవుతున్నట్లు సమాచారం. జెసి దివాకర్ రెడ్డిపై చర్యలు తీసుకోవాలని ముఖ్యమంత్రి పార్టీ అధిష్టానాన్ని కోరే అవకాశం ఉంది. అనంతపురం జిల్లా ఎమ్మెల్సీ ఎన్నికల్లో జెసి దివాకర్ రెడ్డి వర్గం అధికార కాంగ్రెసు పార్టీ అభ్యర్థి పాటిల్ వేణుగోపాల్ రెడ్డికి వ్యతిరేకంగా, తెలుగుదేశం పార్టీ అభ్యర్థి మెట్టు గోవింద రెడ్డికి అనుకూలంగా వ్యవహరించారు. దీంతో మెట్టు గోవింద రెడ్డి 59 ఓట్ల తేడాతో విజయం సాధించారు.

అనంతపురం జిల్లాలో కాంగ్రెసు అభ్యర్థి పాటిల్ వేణుగోపాల్ రెడ్డిని గెలిపించడానికి జిల్లా మంత్రులు రఘువీరా రెడ్డి, శైలజానాథ్ బుధవారం ఉదయం ముఖ్యమంత్రి కిరణ్ కుమార్ రెడ్డితో సమావేశమయ్యారు. ఎన్నికల ఫలితాలపై వారు సమీక్షించారు. జెసి దివాకర్ రెడ్డి వెన్నుపోటు కారణంగానే అభ్యర్థి ఓడిపోయారని వారు ముఖ్యమంత్రికి ఫిర్యాదు చేశారు. ఇంతకు ముందు ముఖ్యమంత్రి సర్దిచెప్పినా వినకుండా జెసి దివాకర్ రెడ్డి కాంగ్రెసు పార్టీ అభ్యర్థికి వ్యతిరేకంగానే పనిచేశారు.

English summary

CM Kiran Kumar Reddy may complain against his Congress party Anantapur district MLA JC Diwakar Reddy. As JC Diwakar Reddy worked against Congress candidate in Anantapur MLC election, Kiran Kumar Reddy may appeal to High Command take action against JC.