8వ అధ్యాయాన్ని బహిర్గతం చేయండి: కేంద్రానికి ఆదేశించిన హైకోర్టు

By Srinivas

Published: Wednesday, March 23, 2011, 12:12 [IST]

హైదరాబాద్: శ్రీకృష్ణ కమిటీ కేంద్ర ప్రభుత్వానికి సమర్పించిన 8వ అధ్యాయాన్ని వెంటనే బహిర్గతం చేయాలని రాష్ట్ర అత్యున్నత న్యాయస్థానం బుధవారం కేంద్ర ప్రభుత్వాన్ని ఆదేశించింది. రాష్ట్ర ప్రజలకు ఎనిమిదవ అధ్యాయంలో ఏమి ఉందో తెలియజేయాల్సిన అవసరం ఉందని హైకోర్టు అభిప్రాయపడింది. ప్రత్యేక తెలంగాణ రాష్ట్రం విషయంలో ఎనిమిదో అధ్యాయంతో సహా అన్ని పార్టీలకు నివేదికలు ఇవ్వాలని సూచించింది. కోర్టు ఆదేశాలపై ఏమైనా అభ్యంతరాలు ఉంటే సోమవారం వరకు తెలియజేయాల్సిందిగా ప్రభుత్వానికి కోర్టు సూచించింది.

కాగా మోహన్‌రావు అనే న్యాయవాది శ్రీకృష్ణ కమిటీ కేంద్రానికి సమర్పించిన 8వ అధ్యాయాన్ని బయట పెట్టాల్సిందిగా కోర్టులో రిట్ వేశారు. తెలంగాణపై శ్రీకృష్ణ కమిటీ ఇచ్చిన రిపోర్టు అది కమిటీ తయారు చేసిన రిపోర్టు కాదన్నారు. అది సీమాంధ్రులు ఇచ్చిన రిపోర్టు అని చెప్పారు. ఎనిమిదో అధ్యాయంలో తెలంగాణకు వ్యతిరేకాంశాలు ఉన్నాయని ఆయన అన్నారు. అందుకే దానిని బహిర్గతం చేయడం లేదని అన్నారు.

Published On March 23, 2011