భూకేటాయింపులపై అసెంబ్లీలో రగడ, సభా సంఘానికి టిడిపి డిమాండ్

By Pratap

Published: Friday, March 25, 2011, 9:39 [IST]

హైదరాబాద్‌: దివంగత నేత వైయస్ రాజశేఖర రెడ్డి హయాంలో జరిగిన భూకేటాయింపులపై శుక్రవారం శాసనసభ గురువారం స్తంభించింది. భూకేటాయింపులపై సభా సంఘం వేయాలని డిమాండ్ చేస్తూ తెలుగుదేశం పార్టీ సభ్యులు సభా కార్యక్రమాలను అడ్డుకున్నారు. ప్లకార్డులు ప్రదర్శించారు. నినాదాలు చేశారు. డిప్యూటీ స్పీకర్ నాదెండ్ల మనోహర్ ఎంతగా చెప్పినా తెలుగుదేశం సభ్యులు వినలేదు. దీంతో ఆయన సభను అరగంట పాటు వాయిదా వేశారు.

అంతకు ముందు ప్రతిపక్షాలు ప్రతిపాదించిన వాయిదా తీర్మానాలను నాదెండ్ల మనోహర్ తిరస్కరించారు. హైకోర్టు సూచనల మేరకు శ్రీకృష్ణ కమిటీ 8వ అధ్యాయం బహిర్గతం చేయాలని సీపీఐ, మద్యం అమ్మకాలు పెంచేందుకు ప్రభుత్వ ప్రోత్సాహం, గీత కార్మికుల ఇక్కట్లపై బిజెపి, గ్రూప్‌ 1, 2 నోటిఫికేషన్లు విడుదలై చాలారోజులైనా మెయిన్స్‌ పరీక్ష నిర్వహించకపోవడంపై సీపీఎం వాయిదా తీర్మానాలు ప్రతిపాదించాయి.

Published On March 25, 2011