జూ ఎన్టీఆర్ శక్తి సినిమాపై రగడ: దృశ్యాలు తొలగించాలని డిమాండ్

By Pratap

Published: Thursday, March 31, 2011, 12:53 [IST]

హైదరాబాద్: భారీ అంచనాలతో శుక్రవారం విడుదలవుతున్న జూనియర్ ఎన్టీఆర్ శక్తి సినిమాపై వివాదం చెలరేగుతోంది. శక్తి సినిమాలోని కొన్ని దృశ్యాలపై మాజీ సైనికోద్యోగులు తీవ్ర అభ్యంతరం తెలియజేస్తున్నారు. సినిమాలో జూనియర్ ఎన్టీఆర్ జాతీయ జెండాలోని మూడు రంగులు వేసిన బూట్లను ధరించాడని, అది భారత త్రివర్ణ పతాకను అవమానించడమేనని వారంటున్నారు. ఆ దృశ్యాలను సినిమా నుంచి తొలగించాలని వారు డిమాండ్ చేస్తున్నారు.

శక్తి సినిమాకు మెహర్ రమేష్ దర్శకత్వం వహించాడు. ఈ సినిమా నిర్మాత అశ్వినీదత్. తాజాగా సినిమాపై చెలరేగిన వివాదంపై మాట్లాడడానికి దర్శకుడు గానీ నిర్మాత గానీ అందుబాటులో లేరని వార్తలు వస్తున్నాయి. ఎన్టీఆర్ వాడిన బూట్లను తెప్పించి పరిశీలించిన తర్వాతనే మాట్లాడాలనే ఉద్దేశంతో వారున్నట్లు చెబుతున్నారు. కాగా, జూనియర్ ఎన్టీఆర్ కూడా అందుబాటులో లేరని చెబుతున్నారు.

Published On March 31, 2011