నాదెండ్ల మనోహర్ కాంగ్రెసు, టిడిపిల చేతిలో పావు: హరీష్ రావు

హైదరాబాద్ : శాసనసభ ఉప సభాపతి నాదెండ్ల మనోహర్ తెలుగుదేశం, కాంగ్రెసు చేతుల్లో పావుగా మారారని తెలంగాణ రాష్ట్ర సమితి (తెరాస) శాసనసభ్యుడు హరీష్ రావు వ్యాఖ్యానించారు. నిజామాబాద్ జిల్లా బాన్సువాడ ఎమ్మెల్యే పోచారం శ్రీనివాసరెడ్డి శానససభ్యత్వానికి చేసిన రాజీనామాను ఆమోదించకుండా డిప్యూటీ స్పీకర్ నాదెండ్ల మనోహర్ కాలయాపన చేస్తున్నారని ఆయన సోమవారం మీడియా ప్రతినిధుల సమావేశంలో విమర్శించారు.

ఈ నెల 27వ తేదీన సికింద్రాబాదులోని పరేడ్ గ్రౌండ్‌లో జరగనున్న తమ పార్టీ బహిరంగ సభకు అనుమతి ఇవ్వకుంటే తీవ్ర పరిణామాలు తప్పవని హరీశ్‌రావు హెచ్చరించారు. బాన్సువాడకు మిగతా ఉప ఎన్నికలతో పాటు ఉప ఎన్నిక జరగకుండా నివారించడానికే పోచారం శ్రీనివాస రెడ్డి రాజీనామా ఆమోదాన్ని నిరోధిస్తున్నారని ఆయన విమర్శించారు. పోచారం శ్రీనివాస రెడ్డి రాజీనామాను వెంటనే ఆమోదించాలని ఆయన డిప్యూటీ స్పీకర్‌ను డిమాండ్ చేశారు. పోచారం శ్రీనివాస రెడ్డి తెలుగుదేశం పార్టీకి కూడా రాజీనామా చేసి తెరాసలో చేరిన విషయం తెలిసిందే.

English summary

TRS MLA Harish Rao opposed deputy speaker of Nadendla Manohar stand on MLA Pocharam Srinivas Reddy's resignation. He demanded accept Pocharam srinivas Reddy's resignation.