టిటిడి చైర్మన్‌గా కాంగ్రెసు ఎంపి రాయపాటి సాంబశివరావుకు అవకాసం

హైదరాబాద్: తిరుమల తిరుపతి దేవస్థానం (టిటిడి) పాలక మండలి చైర్మన్‌గా కాంగ్రెసు గుంటూరు పార్లమెంటు సభ్యుడు రాయపాటి సాంబశివరావును నియమించే అవకాశాలున్నాయి. ఆయన అధ్యక్షతన కొత్త పాలకమండలిని ఏర్పాటు చేయాలని ప్రభుత్వం నిర్ణయించినట్లు సమాచారం. ఈ మేరకు త్వరలో ఉత్తర్వులు కూడా జారీ అయ్యే అవకాశం ఉంది.

ఆదికేశవులునాయుడు పాలకమండలి పదవీకాలం గత ఏడాది ఆగస్టు 24తో ముగిసింది. అప్పట్లో పాలకమండలి వ్యవహారాలపై వివాదం నెలకొనటంతో ప్రభుత్వం కొత్తమండలిని ఏర్పాటు చేయకుండా ఐఏఎస్‌ అధికారులతో కూడిన స్పెసిఫైడ్‌ అథారిటీని ఏర్పాటు చేసింది. రాయపాటి సాంబశివ రావు తనకు ఏ విధమైన పదవి దక్కకపోవడం పట్ల చాలా కాలంగా అసంతృప్తితో ఉన్నారు.

English summary

Congress MP Rayapati Sambasiva Rao may be appointed as TTD chairman. Government may release GO in accordance with that decision.