మహారాష్ట్ర మంత్రి రాణే తనయుడిపై హత్యాయత్నం కేసు

By Pratap

Published: Saturday, April 9, 2011, 15:23 [IST]

ముంబై: మహారాష్ట్ర పరిశ్రమల మంత్రి నారాయణ రాణే తనయుడిపై కేంద్ర దర్యాప్తు సంస్థ (సిబిఐ) హత్యా యత్నం కింద కేసు నమోదు చేసింది. నిరుడు సెప్టెంబర్‌లో జరిగిన కాల్పుల సంఘటనకు సంబంధించి సిబిఐ రాణే కుమారుడు నితేష్ కుమార్‌పై, రమో ఇద్దరిపై హత్యా యత్నం కింద ఎఫ్ఐర్ నమోదు చేసింది.

నితేష్ తనపై కాల్పులు జరిపాడని నితేష్ నడుపుతున్న ప్రభుత్వేతర సంస్థ (ఎన్‌జివో) ఉద్యోగి చింటూ షేక్ పోలీసులకు ఫిర్యాదు చేశాడు. దీనిపై సిబిఐ దర్యాప్తు జరిపించాలని కోరుతూ ఆ తర్వాత బొంబాయి హైకోర్టులో పిటిషన్ వేశారు. నితేష్‌ను రక్షించడానికి పోలీసులు ప్రయత్నిస్తున్నారని చింటూ ఆరోపిస్తున్నాడు. కేసును హైకోర్టు సిబిఐకి బదిలీ చేస్తూ మార్చి 24వ తేదీన ఆదేశాలు జారీ చేసింది.

Published On April 9, 2011