మంత్రులు చిత్తకార్తె కుక్కల్లా తిరుగుతున్నారు: నారాయణ

By Pratap

Published: Tuesday, April 12, 2011, 14:32 [IST]

హైదరాబాద్: పులివెందుల అసెంబ్లీ, కడప లోక్‌సభ ఉప ఎన్నికల్లో విజయం కోసం రాష్ట్ర మంత్రులు, కాంగ్రెసు శాసనసభ్యులు చిత్తకార్తె కుక్కల్లా తిరుగుతున్నారని సీపీఐ రాష్ట్ర కార్యదర్శి నారాయణ అన్నారు. వీరంతా ప్రజా సమస్యలను గాలికి వదిలేసి తమ పార్టీ అభ్యర్థుల విజయం కోసం తిరుగుతున్నారన్నారని ఆయన మంగళవారం మీడియా ప్రతినిధుల సమావేశంలో అన్నారు. తాము తెలుగుదేశం పార్టీ అభ్యర్థుల విజయం కోసం ప్రచారం సాగిస్తామని ఆయన చెప్పారు.

కడప, పులివెందుల్లో విజయమే లక్ష్యంగా ఈ మంత్రులు కృషి చేస్తున్నారన్నారని, వీరు ఎంత కృషి చేసినా ఎన్నికల్లో ఓటమి తప్పదని ఆయన నారాయణ అభిప్రాయపడ్డారు. గత కొన్ని నెలలుగా రాష్ట్రంలో ప్రభుత్వ పాలన పూర్తిగా స్తంభించి పోయిందన్నారు. ప్రజా సమస్యలను గాలికొదిలేసిన కిరణ్ కుమార్ ప్రభుత్వం వైఎస్.జగన్మోహన్ రెడ్డికి ఏ విధంగా చెక్ పెట్టాలన్న అంశంపైనే దృష్టి సారించిందని నారాయణ అన్నారు. ఉప ఎన్నికల్లో కాంగ్రెస్‌కు ఓటమి తప్పదని ఆయన అన్నారు.

Published On April 12, 2011