పరిటాల రవి కేసును మళ్లీ విచారణ జరిపించాలి: కోడెల

గుంటూరు: మాజీ మంత్రి, తెలుగుదేశం పార్టీ సీనియర్ నాయకుడు పరిటాల రవి హత్య కేసును మళ్లీ విచారణ జరిపించాలని టిడిపి మాజీ మంత్రి కోడెల శివప్రసాద్ గురువారం గుంటూరులో విలేకరుల సమావేశంలో డిమాండ్ చేశారు. వైద్య ఆరోగ్య శాఖ మంత్రి డిఎల్ రవీంద్రారెడ్డి పరిటాల రవి హత్య కేసులో జగన్ పాత్ర ఉందని చెప్పడం ద్వారా తమ అనుమానాలు మరింత బలపడ్డాయని చెప్పారు.

పరిటాల రవి హత్యలో జగన్ హస్తం కోణంలో విచారణ జరిపించాలని ఆయన డిమాండ్ చేశారు. మంత్రులు, శాసనసభ్యులు అందరూ కడప, పులివెందుల ఉప ఎన్నికల కోసం ఒకే జిల్లాలో తిష్ట వేయడం వలన రాష్ట్రంలో పాలన పూర్తిగా స్తంభించి పోయిందన్నారు. ప్రజల గురించి పట్టించుకోవాల్సిన మంత్రులు ఒకే జిల్లాకు పరిమితం అయి పోయారన్నారు. వైయస్ జగన్ తన అవినీతి సొమ్ముతో ఉప ఎన్నికలలో గెలుపొందాలని భావిస్తున్నారన్నారు. ఇప్పటికే జగన్ 100 కోట్ల రూపాయలను కడపకు తరలించారని ఆరోపించారు.

English summary

TDP senior leader Kodela Shiva Prasad demanded government to re-open Paritala Ravi murder case. He blamed Congress government for ministers and MLAs were sitted in Kadapa.