విజయవంతంగా పిఎస్ఎల్వి ప్రయోగం: కక్ష్యలోకి మూడు ఉపగ్రహాలు
షార్ కేంద్రంగా 1994 నుండి 17 సార్లు పిఎస్ఎల్విని ప్రయోగించగా విజయవంతమైన 16 పర్యోగాల్లో 44 ఉపగ్రహాలను రోదసీలో ప్రవేశ పెట్టింది. ఇప్పటి వరకు కేవలం ఒక్కసారి మాత్రమే విఫలమయింది. పిఎస్ఎల్వి సి 16 నౌకలో రిసోర్స్ శాట్-2, యూత్ శాట్, ఎక్స్ శాట్ మూడు ఉప గ్రహాలను పిఎస్ఎల్వి 900 కిలోమీటర్ల ఎత్తున సూర్యావర్తన ధ్రువ కక్ష్యలోకి ప్రవేశ పెడుతుంది. నాలుగు దశల ఈ రాకెట్ ఎత్తు 44 మీటర్లు. తొలిదశ చుట్టూ 6 ఘన ఇంధన స్ట్రాఫాన్ బూస్టర్లు ఉంటాయి. ప్రయోగవేళ దీని బరువు 295 టన్నులు. తొలిదశ బూస్టర్లో 139 టన్నుల ఇంధనం నింపారు. రెండు, మూడు దశల్లో 41 టన్నుల ద్రవ, 7.6 టన్నుల ఘన ఇంధనాలను, చివరిదానిలో 2.5 టన్నుల ద్రవ ఇంధనాన్ని నింపారు. ఉప గ్రహాలను 3.2 మీటర్ల వ్యాసంగల ఉష్ణ కవచంలో సురక్షితంగా ఉంచారు. కాగా మంగళవారం ఇస్రో చైర్మన్ రాధాకృష్ణన్ నమూనా రాకెట్తో శ్రీవారికి ప్రత్యేక పూజలు చేశారు.