రేపటి నుంచే పాలమూరు నుంచి జూపల్లి కృష్ణారావు తెలంగాణ పాదయాత్ర

మహబూబ్‌నగర్: తెలంగాణ కోసం మంత్రి పదవికి రాజీనామా చేసిన కాంగ్రెసు మహబూబ్‌నగర్ జిల్లా శాసనసభ్యుడు జూపల్లి కృష్ణారావు రేపటి నుంచి (ఆదివారం నుంచి) పాదయాత్ర చేపట్టనున్నారు. తెలంగాణ సాధన కోసం ఆయన తెలంగాణ ప్రజా అభియాన్ పేరుతో ఈ పాదయాత్రను మహబూబ్‌నగర్ నుంచి ప్రారంభిస్తున్నారు. ఈ పాదయాత్రకు తెలంగాణ విద్యావంతుల వేదిక మద్దతు ప్రకటించింది. ఈ పాదయాత్రలో పాలు పంచుకోవాలని విద్యావంతుల వేదిక తెలంగాణ ప్రజలకు పిలుపునిచ్చింది.

పాదయాత్రలో తనతో కలిసి రావాలని ఆయన తెలంగాణ రాజకీయ నాయకులకు విజ్ఞప్తి చేశారు. తనతో ఎవరు వచ్చినా రాకపోయినా యాత్ర సాగిస్తానని ఆయన శనివారం మీడియా ప్రతినిధులతో చెప్పారు. తెలంగాణ రాష్ట్ర ఏర్పాటు నిర్ణయాన్ని ప్రకటించే వరకు తన పాదయాత్ర సాగుతుందని ఆయన చెప్పారు. తెలంగాణ ప్రజల అభీష్టం మేరకు తాను నడుచుకుంటానని ఆయన చెప్పారు.

English summary

Minister from Mahaboobnagar district Jupalli Krishna rao to take up padayatra in Telangana region to achieve statehood for Telangana.