• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

ప్రచారంలో జగన్ ఆస్తులపై సిఎం కిరణ్ కుమార్ వ్యాఖ్యలు చేసేనా?

By Pratap
|

Kiran Kumar Reddy
హైదరాబాద్: కడప ఉప ఎన్నికల ప్రచార పర్వంలో ముఖ్యమంత్రి కిరణ్ కుమార్ రెడ్డి మంగళవారం పాల్గొననున్నారు. సోమవారం సాయంత్రం హైదరబాదు నుండి బయలుదేరుతారు. మంగళవారం మూడు నియోజకవర్గాలలో ముఖ్యమంత్రి ప్రచారం చేస్తారు. అందులో పులివెందుల నియోజకవర్గం కూడా ఉంది. అయితే ఉప ఎన్నికల ప్రచార పర్వంలో పాల్గొంటున్న ముఖ్యమంత్రి కిరణ్ కుమార్ రెడ్డి మాజీ పార్లమెంటు సభ్యుడు వైయస్ జగన్మోహన్ రెడ్డిని టార్గెట్ చేసుకుంటారా, జగన్‌పై, జగన్ ఆస్తులపై కామెంట్లు చేస్తారా అని సందిగ్ధం పలువురిలో నెలకొంది. జగన్‌పై కామెంట్ చేసినప్పటికీ కడప కాంగ్రెసు అభ్యర్థి డిఎల్ రవీంద్రారెడ్డి, పిఆర్పీ అధ్యక్షుడు చిరంజీవి, టిడిపి అధ్యక్షుడు చంద్రబాబునాయుడు తరహాలో జగన్ ఆస్తులపై ఘాటైన వ్యాఖ్యలు చేసే అవకాశం ఉందా అంటే లేదనే వాదనలు వినిపిస్తున్నాయి.

కిరణ్ ముఖ్యమంత్రి అయ్యాక కొన్ని రోజులు స్తబ్ధగా ఉన్నప్పటికీ ఓ సమావేశంలో పరిటాల రవి హత్య కేసులో జగన్‌ను నేనే కాపాడాను అని చెప్పి జగన్‌పై టిడిపి మరోసారి రెచ్చి పోవడానికి ఓ అవకాశం ఇచ్చారు. అయితే ఎన్నికలకు ఇంకా ఆరు రోజులు మాత్రమే సమయం ఉండటంతో ముఖ్యమంత్రి జగన్‌పై ఘాటుగా వ్యాఖ్యలు చేసే అవకాశం లేదని తెలుస్తోంది. ఎన్నికలు కొద్ది రోజులే ఉన్న సమయంలో ఇన్నాళ్లూ వైయస్ అనుచరుడిగా ముద్రపడ్డ కిరణ్ జగన్‌పై ఘాటైన వ్యాఖ్యలు చేస్తే వోటర్లలోకి నెగిటివ్‌గా వెళ్లే అవకాశమున్నదని కాంగ్రెసు వర్గాలు భావిస్తున్నట్టుగా తెలుస్తోంది

ఇందుకోసం ముఖ్యమంత్రి తన ప్రచారంలో జగన్‌పై అంతగా దృష్టి సారించడని తెలుస్తోంది. డిఎల్, చిరు, చంద్రబాబు తరహాలో జగన్ అక్రమాస్తులపై విమర్శలు చేసే అవకాశం లేదని రాజకీయ పరిశీలకులు భావిస్తున్నారు. ముఖ్యమంత్రి ప్రముఖంగా జగన్, చంద్రబాబులపై పదునైన మాటలతో విరుచుకు పడకుండా కాంగ్రెసు అభ్యర్థులు వైయస్ వి వేకానందరెడ్డి, డిఎల్ రవీంద్రారెడ్డిలను గెలిపించమని మాత్రమే వోటర్లను కోరే అవకాశం ఉన్నట్లుగా తెలుస్తోంది. ఇప్పటి వరకు కాంగ్రెసు కడప అభివృద్ధికి ఏం చేసింది, ఇక ముందు ఏం చేయనుంది - తదతర అంశాలను మాత్రమే ఓటర్ల ముందు సిఎం పెట్టున్నట్లుగా తెలుస్తోంది.

English summary
It seems, CM Kiran Kumar Reddy will not comment on Ex MP YS Jaganmohan Reddy property in his Kadapa district campaign. If he comment Jagan directly Congress will loss in bypoll, Congres leaders were thinking.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more