వైయస్ హెలికాప్టర్ క్రాష్‌ను గుర్తుకు తెస్తున్న దోర్జీ ఖండు మిస్సింగ్

By Pratap

Published: Monday, May 2, 2011, 16:41 [IST]

న్యూఢిల్లీ: అరుణాచల్ ప్రదేశ్ ముఖ్యమంత్రి దోర్జీ ఖండు హెలికాప్టర్ మాయం ఆంధ్రప్రదేశ్ ముఖ్యమంత్రి వైయస్ రాజశేఖర్ రెడ్డి హెలికాప్టర్ ప్రమాదాన్ని గుర్తుకు తెస్తోంది. దోర్జీ ఖండు ప్రయాణం చేస్తున్న హెలికాప్టర్ తవంగ్ నుంచి బయలుదేరిన కొద్దిసేపటికే కనిపించకుండా పోయింది. హెలికాప్టర్ ఆచూకీ లభించినట్లు, ఖండు క్షేమంగా ఉన్నట్లు ఆ తర్వాత కొద్దిసేపటికి వార్తలు వచ్చాయి. అయితే, అందులో వాస్తవం లేదని తేలిపోయింది. శనివారం నాడు అదృశ్యమైన ఖండు సోమవారం సాయంత్రానికి కూడా కనిపించలేదు.

ఆంధ్రప్రదేశ్ ముఖ్యమంత్రి వైయస్ రాజశేఖర్ రెడ్డి ప్రయాణించిన హెలికాప్టర్ నుంచి బయలుదేరిన గంట లోపే సంకేతాలు అందడం ఆగిపోయింది. 2009 సెప్టెంబర్ 2వ తేదీన ఈ సంఘటన చోటు చేసుకుంది. ఆ తర్వాత 24 గంటలకు విషాద వార్త తెలిసింది. హెలికాప్టర్ దట్టమైన నల్లమల అడవుల్లో కూలిపోయి వైయస్ రాజశేఖర రెడ్డి మరణించారు. వైయస్ రాజశేఖర రెడ్డి హెలికాప్టర్ ప్రమాదం నుంచి కూడా ఏ విధమైన పాఠాలు నేర్చుకోలేదని ఖండు సంఘటన తెలియజేస్తోంది.

Published On May 2, 2011