• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

లాడెన్‌పై ఏకపక్ష దాడికి పాక్‌కు క్షమాపణ చెప్పే ప్రసక్తి లేదు: అమెరికా

By Pratap
|

Pakistan-USA
వాషింగ్టన్: పాకిస్తాన్‌లో అంతర్జాతీయ ఉగ్రవాది ఒసామా బిన్ లాడెన్ స్థావరంపై ఏకపక్ష దాడికి తాము పాకిస్తాన్‌కు క్షమాపణ చెప్పబోమని అమెరికా స్పష్టం చేసింది. లాడెన్ కోసం పాకిస్తాన్‌లోకి ఏ విధమైన అనుమతి తీసుకోకుండా సైనిక దాడికి వెళ్లడంపై తాము క్షమాపణ చెప్పబోమని శ్వేత సౌధం ప్రెస్ సెక్రటరీ జయ్ కార్నె చెప్పారు. పాకిస్తాన్ వైమానిక ప్రదేశాన్ని వాడుకున్నందుకు తాము పాకిస్తాన్‌కు ఏ విధమైన క్షమాపణ చెప్పబోమని అన్నారు.

ఈ దేశానికి లాడెన్ ఒకటో నెంబర్ శత్రువు అని, చాలా చాలా మంది పౌరులను హతమార్చాడని, క్షమాపణలేవీ ఉండవని కార్నే అన్నారు. అమెరికా కమెండో ఆపరేషన్ ఏకపక్షమూ, అనధికారయుతమని పాకిస్తాన్ సోమవారం వ్యాఖ్యానించింది. ఇస్లామ్‌పై తాము యుద్ధం చేయడం లేదని శ్వేతసౌధం స్పష్టం చేసింది. లాడెన్ ముస్లిం నాయకుడు కాడని, లాడెన్ సామూహిక హత్యకాండకు పాల్పడిన వ్యక్తి అని బుష్‌తో పాటు ప్రస్తుత అధ్యక్షుడు బరాక్ ఒబామా చెప్పారని అన్నారు. ముస్లింలను కూడా లాడెన్ హత్య చేశాడని అన్నారు.

అమెరికాను, అమెరికన్లను కాపాడుకోవడానికి తాము ఆల్ ఖైదాపై తమ పోరాటానికి పాకిస్తాన్ ముస్లింలు, ఇతర దేశాల్లోని ముస్లింలు, ముస్లిం అమెరికన్లు తమకు సహకరించారని ఆయన అన్నారు.

English summary
US would not make any apology for its unilateral military action against al Qaeda chief Osama bin Laden at his hideout in Pakistan, the White House has said.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X