సిఎం కిరణ్ ప్రభుత్వం ఉప ఎన్నికల తర్వాత కూలుతుంది: అంబటి

కడప: పులివెందుల, కడప ఉప ఎన్నికల తర్వాత రాష్ట్ర రాజకీయాల్లో పెనుమార్పులు ఖాయమని వైయస్ఆర్ కాంగ్రెసు పార్టీ నేత అంబటి రాంబాబు శుక్రవారం ఓ టీవీ కార్యక్రమంలో చెప్పారు. జగన్, విజయమ్మలు ఉప ఎన్నికలలో అద్భుత విజయం సాధించడం ఖాయమన్నారు. ఇవి రాష్ట్ర రాజకీయాలను మలుపు తిప్పే ఎన్నికలని చెప్పారు. త్వరలో కాంగ్రెసు పార్టీ ఖాళీ కావడం ఖాయమన్నారు. మంత్రులు, ఎమ్మెల్యేలు అందరూ అధిష్టానంపై తిరగబడతారని చెప్పారు.

కడప ఉప ఎన్నికల్లో కాంగ్రెసు పార్టీ తరఫున బరిలోకి దిగిన ఇద్దరు మంత్రులు ఓడి పోవడం ఖాయమన్నారు. ప్రభుత్వానికి మూడు సంవత్సరాల సమయం ఉందని, అయితే అంతకుముందే పడిపోతుందని చెప్పారు. ప్రభుత్వాన్ని ఎవరూ కూల్చాల్చిన అవసరం లేదని అదే కూలిపోతుందని చెప్పారు. జగన్‌కు ఓటర్లకు డబ్బు ఇచ్చే అవసరం లేదన్నారు. డబ్బులు ఇవ్వకుండానే గెలుస్తాడని అన్నారు. కాంగ్రెసు, టిడిపి డబ్బులు ఇస్తే తీసుకొని జగన్‌కు ఓటు వేస్తారని అన్నారు. జగన్‌పై వారికి అభిమానం ఉందని చెప్పారు.

English summary

YSR congress party leader Ambati Rambabu said today that Kiran Kumar Reddy government will collapsed after Kadapa bypoll.