అల్లు అర్జున్ టార్గెట్గా జూనియర్ ఎన్టీఆర్!
ఇండియన్ ఫిల్మ్ ఇండస్ట్రీలో ప్రస్తుతం టాలీవుడ్ హీరోల హవా గ్లోబల్ బాక్సాఫీస్ స్థాయికి చేరింది. ఒకరి రికార్డును మరొకరు దాటుకుంటూ పాన్ ఇండియా లెవెల్లో తెలుగు స్టార్స్ సరికొత్త సామ్రాజ్యాలను నిర్మిస్తున్నారు. అయితే, ఐకాన్ స్టార్ అల్లు అర్జున్ 'పుష్ప 2: ది రూల్' చిత్రంతో ప్రపంచవ్యాప్తంగా దాదాపు రూ. 1810 కోట్ల వసూళ్లతో భారతీయ సినిమా చరిత్రలోనే ఒక ఊహించని సరికొత్త రికార్డు బెంచ్ మార్క్ను సెట్ చేశారు. ఇప్పుడు ట్రేడ్ వర్గాలతో పాటు ఇండస్ట్రీలో ఒకటే హాట్ టాపిక్- "బాక్సాఫీస్ దగ్గర నిలిచిన ఈ హిమాలయమంత నెంబర్ను బ్రేక్ చేసే సత్తా మళ్లీ ఎవరికి ఉంది?"
అందరి కళ్లు డ్రాగన్ పై
ఈ రేసులో అందరి కళ్ళు ఇప్పుడు మ్యాన్ ఆఫ్ మాసెస్ జూనియర్ ఎన్టీఆర్ మీదే ఉన్నాయి. కన్నడ సంచలనం ప్రశాంత్ నీల్ దర్శకత్వంలో తారక్ నటిస్తున్న మోస్ట్ అవేటెడ్ పీరియాడిక్ యాక్షన్ డ్రామా 'డ్రాగన్' పైనే ఇప్పుడు భారీ అంచనాలు నెలకొన్నాయి. ఇటీవల మెగా పవర్ స్టార్ రామ్ చరణ్ 'పెద్ది' చిత్రంతో మాస్ బాక్సాఫీస్ను షేక్ చేయాలని గట్టిగా ప్రయత్నించినప్పటికీ, అది యావరేజ్ టాక్కే పరిమితమైంది. దీంతో ఇప్పుడు అల్లు అర్జున్ రికార్డులను సవాల్ చేయగల ఏకైక అస్త్రంగా ఎన్టీఆర్ 'డ్రాగన్' నిలుస్తుందని విశ్లేషకులు భావిస్తున్నారు. అయితే, అల్లు అర్జున్ సెట్ చేసిన రూ. 1810 కోట్ల మార్క్ను అందుకోవడం అంత సాదాసీదా విషయం కాదు. ఎందుకంటే 'పుష్ప 1' సాధించిన క్రేజ్, ముఖ్యంగా నార్త్ బెల్ట్లో క్రియేట్ చేసిన ఇంపాక్ట్ పార్ట్-2 కి కొండంత అడ్వాంటేజ్గా మారాయి. ఆ విపరీతమైన హైప్ వల్లే అడ్వాన్స్ బుకింగ్స్, ప్రీమియర్ షోల నుంచే 'పుష్ప 2' కలెక్షన్ల వర్షం కురిపించింది. రిపీట్ ఆడియన్స్ కూడా థియేటర్లకు క్యూ కట్టడంతో ఆ సినిమా అంతటి భారీ విజయాన్ని అందుకుంది.
దీనికి సీక్వెల్ లేదు
దీనికి భిన్నంగా ఎన్టీఆర్ నటిస్తున్న 'డ్రాగన్' విషయానికి వస్తే, దీనికి సీక్వెల్ అనే అడ్వాంటేజ్ లేదు. ఇది ఒక ఫ్రెష్ సబ్జెక్ట్. ప్రశాంత్ నీల్ ఇప్పటివరకు చూపించిన కేజీఎఫ్, సలార్ ప్రపంచాల కంటే 'డ్రాగన్' మరింత రా అండ్ డార్క్గా ఉండబోతోందని టాక్. కేవలం ప్రశాంత్ నీల్ మేకింగ్ బ్రాండ్ ఇమేజ్, ఎన్టీఆర్ పవర్ఫుల్ మాస్ పల్స్ మాత్రమే ఈ సినిమాకు ప్రధాన బలం. ప్రస్తుతానికి ఈ సినిమాపై ఇంకా ఆ స్థాయి బజ్ మొదలుకాలేదనే అభిప్రాయాలు ఉన్నప్పటికీ, ప్రమోషన్స్ ఊపందుకుంటే సమీకరణాలు పూర్తిగా మారిపోతాయి. సినిమా విడుదలకు ముందు వచ్చే టీజర్లు, ట్రైలర్లు, పాటలు ప్రేక్షకుల్లో ఎలాంటి ఆసక్తిని క్రియేట్ చేస్తాయనే దానిపైనే 'డ్రాగన్' వసూళ్ల వేట ఆధారపడి ఉంటుంది. కంటెంట్ కనుక నార్త్ అండ్ సౌత్ ఆడియన్స్ను విపరీతంగా ఆకట్టుకుంటే.. బాక్సాఫీస్ బాద్షాగా నిలిచిన పుష్ప-2 రికార్డులను తారక్ బ్రేక్ చేయడం అసాధ్యమేమీ కాదు. టాలీవుడ్ టైర్-1 హీరోల మధ్య బాక్సాఫీస్ రికార్డుల కోసం సాగుతున్న ఈ మైండ్ గేమ్ రాబోయే రోజుల్లో మరింత ఆసక్తికరంగా మారనుంది.
Click it and Unblock the Notifications
Sign in with Google