విద్యార్థినిని హత్య చేసి కశాశాల ఆవరణలో పూడ్చి పెట్టిన అటెండర్

By Pratap

Published: Saturday, May 7, 2011, 8:51 [IST]

ఖమ్మం: ఓ విద్యార్థినిని అటెండర్ హత్య చేసి కశాశాల ఆవరణలోనే పూడ్చి పెట్టిన ఘటన ఖమ్మం జిల్లాలో చోటు చేసుకుంది. ఖమ్మం జిల్లాలోని పొన్నేకల్‌లో గల అనిబిసెంట్ బిఇడి కళాశాలలో చదువుతున్న సారిక అనే విద్యార్థినిని కళాశాల ఆవరణలో హత్య చేసి అక్కడే పూడ్చి పెట్టాడు. ఈ సంఘటన ఆరు రోజుల క్రితం చోటు చేసుకుంది. తమ కూతురు కనిపించకపోవడంతో సారిక తల్లిదండ్రులు పోలీసులకు ఫిర్యాదు చేశారు. దాంతో పోలీసులు విచారణ చేపట్టారు.

కళాశాల విద్యార్థులను విచారించిన తర్వాత వారి దృష్టి అటెండర్‌పైకి మళ్లింది. దాంతో అతన్ని అదుపులోకి తీసుకుని పోలీసులు విచారించారు. దీంతో అసలు విషయం బయటపడింది. సారిక, రాజుల ఫోన్‌లను కూడా తనిఖీ చేశారు. రాజు తన నేరాన్ని అంగీకరించినట్లు తెలుస్తోంది. తనను పెళ్లి చేసుకోవడానికి నిరాకరించడంతో రాజు సారికను హత్య చేసి ఎవరికీ అనుమానం రాకుండా కళాశాల ఆవరణలో పాతి పెట్టాడు. కళాశాలకు వరుసగా సెలవులు రావడంతో అటెండర్‌పై ఎవరికీ అనుమానం రాలేదు.

Published On May 7, 2011